Алабугалы исерек килеш руль артында йөргәне өчен хөкем ителде

Суд утырышы барышында Алабугада яшәүче Алексей Копанев узган елның 9 декабрендә Төзүчеләр урамындагы 8нче йорт янында, исереклек билгеләре белән, ЮХИДИ хезмәткәрләре тарафыннан тоткарлануы ачыкланды.

Юл хәрәкәте куркынычсызлыгы буенча муниципаль комиссия хәбәр итүенчә, ир-ат үз гаебен кире какмаган.

Аны 1,5 елга машина йөртү таныклыгыннан мәхрүм итү һәм 30 мең сумлык административ штраф көтә. Алабуга кешесенең хөкем карарына карата шикаять бирү өчен 10 көне бар.

Яңалык юл хәрәкәте куркынычсызлыгы буенча муниципаль комиссия тарафыннан урнаштырылды.