Алабуга мөгаллиме иң яхшы җәмәгать тәрбиячесе булды

«Балигъ булмаганнарның иң яхшы җәмәгать тәрбиячесе-2022» Республика конкурсының зона этабында Алабуга мөгаллиме җиңде. Әлеге бәйге Мамадышта үтте.

Анда 10нчы күппрофильле лицейда директорның тәрбия эшләре буенча урынбасары, педагог-психолог Елена Павлова җиңү яулады.

Конкурста районнардан барлыгы 11 җәмәгать тәрбиячесе чыгыш ясады. Анда катнашучылар ике сынау үтәргә тиеш иде. Беренчесе — әзерләп килгән чыгыш. Икенчесендә алар үз тәҗрибәсе турында башкаларга сөйләп, сорауларга җавап бирде. 

Конкурсның финалы ноябрьдә Казанда булачак.