Алабугалылар «Илкүләм проектлар: Татарстан 2020» фотобәйгесендә катнаша ала

Алабугалылар «Илкүләм проектлар: Татарстан 2020» фотобәйгесендә катнаша ала. Фотоконкурс Татарстан Республикасы проектларын тормышка ашыру нәтиҗәләрен күрсәтү максатыннан оештырыла. Гаризалар 15 октябрьгә кадәр түбәндә күрсәтелгән электрон почтага кабул ителә: fеstival.emr@mail.ru
Бәйге берничә этапта уза, аларның йомгаклары буенча жюри җиңүчеләрне ачыклаячак.
Катнашучылар түбәндәге номинацияләрдә үз көчләрен сыный ала: «Элек юк иде», «Кунакка чакырабыз», «Чишелеш бар», «Туры караш», «Объективта — балалар», «Республика файдасына, һәркем мәнфәгатьләрендә».
Җиңүчеләргә дипломнар һәм истәлек бүләкләр тапшырылачак. Иң яхшы эшләр республиканың басма һәм электрон массакүләм мәгълүмат чараларында бастырылачак, шулай ук Татарстандагы күргәзмә мәйданчыкларга җибәреләчәк.