Алабугалыларга лаеклы бүләкләр тапшырылды

Бүген шәһәр планеркасында Алабуга районы башлыгы урынбасары Олег Колпаков лаеклы бүләкләр тапшырды.

Күпьеллык нәтиҗәле хезмәте һәм Алабуга районының социаль-икътисади үсешенә зур өлеш керткәне өчен «Признание» Мактау билгесен «Эссен Продакшн АГ» акционерлык җәмгыяте генераль директорының беренче урынбасары Александр Цыпленковка тапшырдылар.

Алабуга муниципаль районы башлыгының Мактау грамотасы белән күпьеллык хезмәте өчен һәм 50 яшьлек юбилее уңаеннан Алабуга яңалыклар хезмәте журналисты Гөлназ Титова бүләкләнде.