Алабугалыларга җылылыкның күпме торуы аңлаттылар 

Аның күпмегә артачагын ТКХ һәм төзелеш департаменты директоры Андрей Томилин сөйләде. 

Сентябрьдә 3нче «Домуправ-3» идарәче компаниясе буенча (алга таба — ИК) бер квадрат метр мәйданны җылыткан өчен уртача бәя 5 сум 2 тиен, «Жилкомфортсервис» ИК хезмәт күрсәтә торган йортларда — 6 сум 3 тиен тәшкил итте. Торак милекчеләре ширкәте (ТСЖ) буенча бу сан чак кына зуррак — квадрат метр өчен 7 сум.

− Җылыту сезоны 15 сентябрьдән башлануын исәпкә алсак, бәя зур түгел. Әйтергә кирәк, һава температурасы да плюс белән булды, бездә гамәлдә һәр йорт диярлек һава торышына көйләнгән бүлек белән җиһазланган. Үткән елның мае белән чагыштырсак, әле бит бәяләр дә артты, аерма күренә: «Домуправ-3» буенча уртача бәя 6 сум 4 тиен булган, «Жилкомфортсервис» буенча — 8 сум 55 тиен, − дип билгеләп үтте Андрей Томилин. 

Болар белән чагыштырганда, 6 күпфатирлы йортта: Тынычлык проспектында 31нче, Нефтьчеләр проспектында 20нче «а», Пролетар урамында 44нче, Төзүчеләр урамында 4нче, Т. Гыйззәт урамында 12нче, Яшьләр урамында 17нче йортларда, идарәче компанияләр һәм хезмәт күрсәтүче оешмаларның җитешсезлеге аркасында бераз югарырак тариф килеп чыккан. Шулай да җылыту бәясенең кыйммәтен килештерү комиссиясендә әлеге йортларда җылылык өчен тарифны киметүгә ирештеләр.

− Җылыту системасы тиешенчә җайланмаган, йортларның бер өлеше һава температурасына бәйле, бер өлешендә кулдан көйләнә. Йортларда яшәүчеләрдән су басуга да шикаятьләр алынган иде, аларга үз вакытында чара күрелмәгәнгә, йортлар җылылыкны кирәгеннән күбрәк кулланды, − дип аңлатты Андрей Томилин.