Алабугалыларны җәядән ук ату буенча «Туган батыр» турнирына чакыралар

16 сентябрьдә Алабугада традицион җәядән ук ату буенча «Туган батыр» II Бөтенроссия турниры узачак.

Ярышлар 9.00 сәгатьтә башлана. Рәсми ачылыш — 10.00 сәгатьтә, ә 16.00 сәгатькә бүләкләү һәм турнирны ябу тантанасы планлаштырылган.

Программада — укчылар ярышы, кулдан эшләнгән әйберләр ярминкәсе, интерактив зона (җәядән ату, сөңге ату), балалар һәм өлкәннәр өчен мавыктыргыч мастер-класслар, тематик фотозона, контактлы зоопарк һәм балалар лабиринты.

Катнашучыларның һәркайсы үзен зур һәм бердәм укчылар гаиләсенең бер өлеше итеп сизәргә һәм турнирның төп призы — 40 мең сум акча өчен көрәштә көч сынап карарга мөмкин.