Алабугалыларны джаз оркестры концертына чакыралар

17 августта КФУның Алабуга институты шәһәр халкын һәм кунакларын «Визит» джаз-оркестры концертына чакыра. Чыгыш 21.00 сәгатьтә университет мәйданында башлана.

Алабугада 17-19 август көннәрендә мәктәп укытучыларының XI Халыкара фестивале узачак.

Быел форумга Россиянең төрле төбәкләреннән 500 дән артык укытучы киләчәк, Россия, АКШ, Бөекбритания, Германия, Беларусь, Казахстан һәм Эстониядән галимнәр, педагоглар, әйдәп баручы белгечләрдән 100дән артык мастер-класс узачак. Беренче тапкыр онлайн катнашу мөмкинлеге дә каралачак. 

Халыкара форум турында тулырак әлеге сылтама буенча укырга була.