Алабугалыларны «Мин — әни» конкурсында катнашырга чакыралар

Алабугада Бөтенроссия Ана көненә туры китереп, муниципаль бәйге узачак. Конкурсны гамәлгә куючы: шәһәрнең Мәгариф идарәсе, оештыручысы — «Йолдызлык» мәдәни үсеш үзәге. 

Анда Алабуга районында яшәүче бер һәм күбрәк баласы булган актив һәм инициативалы әниләр катнаша ала. Гаризалар 18 ноябрьгә кадәр cdcsoz@mail.ru электрон почтага кабул ителә. Белешмәләр өчен телефон: 8(960)072-26-41.

Конкурс программасында: «Дефиле» («Әни-стиль»; үз стилеңне күрсәтү), «Сәламләү» («Заманча әни нинди булырга тиеш?» дигән сорауга ирекле төстә җавап әзерләргә), «Сабый теле белән» (видеодагы табышмаклы сүзне табу), «Визит карточкасы» өй эше (үзеңне, гаиләңне теләсә кайсы иҗади рәвештә күрсәтергә, иҗат көчен ачып бирергә). 

Конкурсның төп программасы һәм финалы ноябрьнең 27сендә Тынычлык проспекты, 77 адресы буенча урнашкан «Йолдызлык» Мәдәни үсеш үзәгендә булачак.