Алабуганың Георгий паркында уен мәйданчыгы һәм беседкалар куелачак

Георгий паркында куаклар, декоратив юкәләр утыртылган, газон чәчелгән, парк исеме язылган стелла урнаштырылган.

Киләсе атнада биредә балалар өчен зур уен мәйданчыгы һәм нарат күркәсенә охшатып ясалган беседкалар кую планлаштырыла, дип сөйләде Алабуганың баш архитекторы Илнара Гыйләҗева.

Моннан тыш, видеокүзәтү урнаштыру буенча эшләр дәвам итә. Шулай ук тиздән паркта этләр өчен махсус мәйданчык урнаштырылачак.