Алабуганың Sollers заводы май аенда Аurus серияле производство эшләтеп җибәрәчәк

Россия Сәнәгать һәм сәүдә министрлыгында Aurus Senat премиум-класслы Россия автомобильләрен серияләп җитештерә башлау датасын хәбәр иттеләр.
Алабуганың Sollers заводы май аенда автомобильләр җыя башлаячак, дип яза «РИА Новости».

Шулай ук министрлыкта май аенда беренче автомобильләрнең сатып алучыларга тапшырылуы турында сөйләделәр.

Алабуга заводында шулай ук Aurus Komendant премиум-класслы внедорожниклар чыгарылачак. Аларны Мәскәүдә узган ел күрсәтергә ниятләнгән иде, әмма пандемия үз төзәтмәләрен кертте.