Алабуганың «Чебурашка» паркында кардан ясалган 5 метрлы куян сыны куйдылар

Алабуганың «Чебурашка» паркында кардан ясалган 5 метрлы куян сыны барлыкка килде. Совет мультфильмнарындагы геройга охшаган ел символы Үзәк чыршы янында урнашкан. Эшнең авторы — Алабуга рәссамы Виктор Селиверстов. Хәзер куян алабугалыларны сөендереп, паркка Яңа ел атмосферасы өстәп тора. 

Билгеләп үтик, быел «Чебурашка» паркы яңа элементлар белән тулыланды. Ул әкияти урманы стилендә бизәлгән.