Алабуганың Кырлыган фестивален үткәрүгә грант бирелде

24 июльдә, Алабуга районында Иван-чәй (кырлыган) фестивале узачак. Яңа Анзирка авылында чәй, уеннар, әйлән-бәйлән һәм җырлар яратучылар өчен бәйрәм оештырыла, дип хәбәр итә Татар-информ.

Быел оештыручылар фестивальне үткәрүгә 450 мең сум күләмендә грант ота алган. Бу акчаларга чәй буенча мастер-класслар өчен җиһазлар, остаханәләр һәм халык һөнәрчелеге ярминкәләре өчен өстәлләр һәм эскәмияләр сатып алу планлаштырыла.

Беренче Иван-чәй фестивале 2019 елда узды. Узган ел бәйрәмдә 500гә якын кеше булды.