Алабуганың Ленин мәйданында төргәкле газон җәяләр

Ленин мәйданында төзекләндерү һәм яшелләндерү эшләре бара. 

Монда инде суны автомат сиптерү системасы урнаштырылган, күпьеллык төргәкле газон җәяләр. Инфраструктур үсеш бүлеге җитәкчесе урынбасары вазифаларын башкаручы Алена Минебаева хәбәр иткәнчә, эшләрнең бәясе якынча 4,5 миллион сум тәшкил итәчәк. Газон җәю мәйданы — 3000 квадрат метр.

Шунысын да билгеләп үтәргә кирәк, «Чебурашка» паркында һәм Максим Горький урамындагы боҗрада суны автомат сиптерү системасы куелган һәм яшелләндерү буенча эшләр моңа кадәр башкарылган иде.