Әниләр көненә «Алабуга Нуры» иҗади акция игълан итә

Хөрмәтле укучылар!

Иң якын кешеләребезнең бәйрәме — Әниләр көне якынлаша! Бу көнне без әниләребезгә булган бар мәхәббәтебезне һәм рәхмәтебезне белдерә алабыз. Әлеге бәйрәм уңаеннан «Алабуга Нуры» газетасы «Әниемә рәхмәт сүзе» акциясен башлап җибәрә!

«Әниемә рәхмәт сүзе» акциясе сезгә район газетасы битләрендә әниләрегезгә рәхмәт әйтергә мөмкинлек бирә.

Акциядә катнашыр өчен Вконтакте социаль челтәрендәге «Алабуга хәбәрләре» төркеменә, new-kama@bk. ru электрон почтасына яки 8-903-319-25-74 номерына әниләрегезгә багышланган рәхмәт сүзе белән хат җибәрегез (5-6 җөмлә). Сезнең хатларыгызны без 22 ноябрьдә чыгачак газета номерында бастырачакбыз. Хатлар 20нче ноябрьгә кадәр кабул ителә.

Хатларыгызны көтеп калабыз!

Фото: freepik сайтыннан