Арттырдылар

Беренче квартал нәтиҗәләре буенча ул 6307 сум тәшкил итә, бу узган елның дүртенче кварталы белән чагыштырганда 98 сумга күбрәк.

Хезмәткә яраклы кешеләр өчен бу күрсәткеч 6827 сум тәшкил итә (4 нче квартал белән чагыштырганда тагын 117 сум өстәлә), пенсионерлар өчен - 4963 сум (плюс 61 сум), балалар өчен - 6070 сум (плюс 77 сум).

Квартал саен билгеләнә торган яшәү минимумы зурлыгы, социаль сәясәт һәм федераль социаль программаларны булдырганда һәм гамәлгә куйганда халыкның яшәү дәрәҗәсен бәяләү өчен кирәк. Моннан тыш, ул хезмәткә түләүнең, стипендия, пособие һәм башка социаль түләүләрнең минималь күләмен билгеләү өчен таләп ителә.

Тик федераль яшәү минимумыннан тыш, региональ минимум барлыгын да онытмаска кирәк.