Автомәктәпләр федерациясе Татарстанда иң яхшы һәм иң начар мәктәпләр рейтингын төзегән

Татарстан автомәктәпләре Федерациясе 2020 елның беренче алты ае нәтиҗәләре буенча республиканың иң яхшы һәм иң начар мәктәпләре рейтингын төзегән. Исемлекләр оешманың рәсми сайтында урнаштырылган. Бу хакта «Татар-информ» мәгълүмат агентлыгы хәбәр итә.
Беренче рейтингта экспертлар дәүләт автоинспекциясендә кайсы автомәктәпне тәмамлаучыларның ешрак имтиханнарын беренче тапкыр тапшыруларын ачыклаган.

Исемлекне Кама Тамагындагы «Багира» автомәктәбе җитәкләде. Беренче тапкырдан «теорияне» аның чыгарылышларының 74%ы тапшырган, «мәйданчык» — 96%, ә «шәһәр» — 95%. Икенче урында — ТР Буа ОСТО оешмасы, өченче урында Нурлаттагы «Илона» автомәктәбе урнашкан.
Казан мәктәпләре арасында иң югары урында «А-Мастер Класс» автомәктәбе тора, ул 24 нче урында. Соңгы 179нчы урында Чаллы шәһәрендәге «Руц» автомәктәбе урнашкан, аны тәмамлаучылар ярты ел эчендә "теория"не дә, "шәһәр"не дә беренче тапкыр тапшыра алмаган, ә "мәйданчык«ны беренче тапкырдан имтиханнарның 3%ы гына тапшырган.

Антирейтинг транспорт-юл һәлакәтләре нигезендә төзелгән — анда тәмамлаучылары ике елга кадәр стажлары булган, кешеләр һәлак булган яки зыян күргән транспорт-юл һәлакәтләренә юлыккан мәктәпләр кергән.

Әлмәттә «Джек 116» автомәктәбе федерациянең антирейтингны әйдәп бара. 2018-2019 елларда ул 28 кешене өйрәткән, шуларның берсе авыр юл-транспорт һәлакәтенә эләккән. Икенче урында — Тәтеш авыл хуҗалыгы техникумы, өченче урында — Казандагы «Автоспецсервис» .