Бүген Алабугада район газеталары призына җиңел атлетика эстафетасы узачак

Бүген Алабугада «Алабуга нуры» һәм «Новая Кама» газеталары призына җиңел атлетика эстафетасы узачак. Чара 14.30да башлана.

Быел эстафета 52нче тапкыр узачак. Эстафетада гомуми белем бирү, урта махсус һәм югары уку йортлары укучылары, мәктәпкәчә яшьтәге балалар һәм авыл мәктәпләре укучылары, Алабуга районының җитештерү коллективлары катнашачак.

Йөгереш вакытында «Алабуга нуры» һәм «Новая Кама» газеталарына язылырга мөмкин булачак. Район газетасын редакциядән, Мәдәният сараеннан яки үзәк китапханәдән килеп алу шарты белән ярты елга язылу бәясе нибары 460 сум.