Бүген Татарстанда 5 градуска кадәр җылы була

Бүген Татарстанда көндезге температура 0дан +5 градуска кадәр тәшкил итәчәк. Явым-төшемсез алмашынучан болытлы һава көтелә. Бу хакта Гидрометеоүзәкнең матбугат хезмәте хәбәр итә, дип яза «Татар-информ».

Көньяк-көнчыгыштан исүче җил юнәлешен төньяк-көнчыгыша үзгәртәчәк, аның тизлеге секундына 3-8 метр тәшкил итәчәк.

Шулай ук татарстанлыларны юлларда бозлавык турында кисәттеләр.