Быел Алабугада 31 ишегалды төзекләндереләчәк

Быел Алабугада 31 ишегалды төзекләндереләчәк. Төзекләндерү эшләре "Безнең ишегалды" республика проекты кысаларында тормышка ашырылачак, дип хәбәр итә район башлыгының матбугат хезмәте. 

Кичә Алабуга районы башлыгы Рөстәм Нуриев Землянухин һәм Разведчиклар урамнарындагы йортларның ишегалларында икенче кварталда башкарылачак эшләр фронтын карады. Биредә быел барлыгы 7 ишегалды төзекләндереләчәк, алар 24 күпфатирлы йортны берләштерә. Территорияләрне чистарту эшләре башланды инде, төп этап кар эреп беткәннән соң үткәрелә.

Муниципалитетның бурычы: халыкның иминлеген тәэмин итү, дип билгеләп үтте район башлыгы.