Быел «Үлемсез полк» онлайн режимда узачак

Быел Россиядә «Үлемсез полк» йөреше онлайн форматта узачак. Мондый карар иминлекне тәэмин итү заруриятенә бәйле рәвештә кабул ителде, дип хәбәр иткән хәрәкәтнең Үзәк штабы рәистәше, Дәүләт Думасы депутаты Елена Цунаева.

«Үлемсез полк» — ул безнең бабаларыбызга хөрмәт, җиңү яулаган, җиңгән, безгә киләчәк тәэмин иткән кешеләргә рәхмәт.

«Үлемсез полк» акциясе Россиядә 2012 елдан бирле уздырыла. Анда катнашучылар, Бөек Ватан сугышында катнашкан туганнарының фотоларын тотып, шәһәр урамнары буйлап уза.