Эшли башлаганнан бирле «ЮВТ-24» телеканалы аудиториясе 25 процентка артты

«ЮВТ-24» телеканалы эшли башлаганнан бирле аның аудиториясе 25 процентка арткан. Мондый мәгълүмат «Таттелеком» ның «Телесмотрение» тикшеренүләреннән күренә.

Анализ күрсәткәнчә, аудитория саны февраль аеннан май аена кадәр үсә. Тамашачыларның телеканалны карау вакыты да сизелерлек күбәйде. 

Февраль аенда әлеге каналны Әлмәт тамашачыларының 25 проценты караса, хәзер бу сан 30 процентка якын. Тамашачылар яңалыклар, «Шәһәр мохите» тапшыруларын аеруча яратып карый. 

«ЮВТ-24» телеканалы ТРның көньяк-көнчыгышын берләштерә. Ул бу елның 10 февралендә эшли башлады.