Фирдүс Тямаев «Татарлар», «Туган тел» җырларына флешмоб башлап җибәрде

Фирдүс Тямаев туган авылы Түбән Норлат халкы белән бергә «Татарлар» һәм Габдулла Тукайның «Туган тел» шигыренә иҗат ителгән җырларын башкарып, бүген флешмоб башлап җибәрде, дип яза Татар-информ.

«Старт дәвам итә. Катнашыгыз. Сезне бүләкләр көтә», — диелгән җырчының Инстаграм аккаунтында. 

Видеога комментарий калдыручыларның күбесе Фирдүс Тямаевны хуплаган. Язылучылары «Молодцы», «Шәп флешмоб», «Данир Сабиров әйтмешли, Норлат башлыгы диярсең. Чыгып баскан, молодец. Тямаев, син булдырасың», — кебек комментарийлар калдырган.