Гадәттән тыш хәлдә ярдәм итә торган кушымта булдырылды

Россия Гадәттән тыш хәлләр министрлыгы гадәттән тыш хәлдә ярдәм итә торган кушымта булдырды. Бу хакта Россия Гадәттән тыш хәлләр министрлыгының ТР буенча баш идарәсенең матбугат хезмәтендә хәбәр иттеләр. 
Кушымтаны барлык мобиль платформаларның онлайн-кибетендә түләүсез күчереп алырга мөмкин. Кушымта ярдәмендә коткару хезмәтен чакырырга, геолокацияне күзәтергә мөмкин булачак.
Кушымтаның тест версиясендә алты рубрика бар. Аларда гадәттән тыш хәл барлыкка килгән ситуацияләргә әзерлек һәм белем дәрәҗәсен тикшерергә була.
Киләчәктә кушымтага һава торышы бозылу һәм давыл кисәтүләре турында мәгълүмат та өстәлер дип планлаштырыла.