Иң файдалы җиләк билгеле

Роспотребнадзор белгечләре июль ахырында кура җиләген күбрәк ашарга киңәш итә. Бу хакта «Здоровое питание» сайты яза.

Өлгереп җиткән кура җиләгендә файдалы матдәләр һәм витаминнар, органик кислота, пектин, В һәм С витаминнары күп. Җиләк, антиоксидантларга бай булуы сәбәпле, баш мие эшчәнлеген яхшырта һәм канда шикәр микъдарын көйли. «Җиләкне әз-әзләп, әмма даими ашау йөрәк өчен бик файдалы. Тикшеренү нәтиҗәләре күрсәткәнчә, ул йөрәк-кан тамырлары авыруларыннан үлем-китем куркынычын киметә, тромбоцитларга юлны яба, югары кан басымын төшерә», — ди белгечләр.

Кура җиләге шулай ук буыннарның ялкынсынуын бетерергә ярдәм итә. Аны даими ашау артрит куркынычын киметә һәм авыртуны баса.
Чыганак 
Фото: freepik.com