Яңа уку елында мәктәп каникулларының вакыты билгеле булды

Шулай итеп мәктәп балалары көзге каникулга 29 октябрьдән чыгып, 6 ноябрьгә кадәр ял итәчәк. Кышкысы — 31 декабрьдән 8 гыйнварга кадәр һәм язгы каникул — 8 апрельдән 16 апрельгә кадәр, дип яза Татар-информ.

Моннан тыш, мәктәп администрациясе ял вакытын үзе хәл итәргә хокуклы.

Көзге каникул вакытына 4 ноябрьдә билгеләп үтелә торган дәүләт бәйрәме — Халыклар бердәмлеге көне туры килә. Шулай итеп, россиялеләр өч көн рәттән — 4-6 ноябрьдә ял итәчәк.

Кышкы каникул Россиядә яңа ел бәйрәмнәре белән тулысынча туры килә һәм тугыз көн дәвам итәчәк.