Идел буе федераль округыннан 50 спортчы Пекинга Олимпия уеннарына юл алды

Россия Федерациясе делегациясе составында Идел буе федераль округыннан ил данын 50 спортчы яклаячак (аларның 9ы резервта) — Россия җыелма командасы саныннан дүрттән бере диярлек. Алар биатлон, бобслей, тимераякта шуу һәм чана спорты, скелетон, шорт-трек, фигуралы шуу, хоккей буенча медальләр өчен көрәшәчәк. Идел буе федераль округы регионнарыннан иң күп спортчыларны Башкортстан, Пермь крае һәм Түбән Новгород өлкәсе җибәргән, алар арасында алдагы Олимпия уеннары призерлары да бар инде.

Спортчыларны әзерләү, һөнәри һәм һәвәскәрләр спортын үстерү, сәламәт, көчле яшь буынны тәрбияләү — төбәкләрдә тормышка ашырыла торган эш юнәлешләренең берсе. 

Идел буе федераль округында финанслауның төрле чыганаклары хисабына спорт объектлары төзелеше актив алып барыла һәм инфраструктура үсә. «Спорт — тормыш нормасы» федераль проекты кысаларында 2019-2024 еллар чорында чараларны тормышка ашыруга юнәлдерелгән федераль бюджет чаралары күләме 15,7 млрд.сум тәшкил итә. Шуларның 10,5 млрд. сумы 28 физкультура-сәламәтләндерү комплексы, 11 ябык шугалак, 5 манеж, хоккей буенча 1 төбәк үзәге төзүгә юнәлдереләчәк. Хәзерге вакытта 12 объект файдалануга тапшырылган.