Иң зур пенсияле регион билгеле

Россиядә иң зур пенсия алучылар Чукоткада яши, дип белдерде РУДН икътисад факультеты деканы урынбасары Елена Григорьева. Бу елның башында аның күләме 27,8 мең сум тәшкил иткән. Иң «тыйнак» пенсия Дагыстанда — 12,6 мең сум. Бу турыда «Лента.ру» га сылтама белән Челнинские известия хәбәр итә.

Эксперт аңлатуынча, түләүләрнең күләме һөнәр төренә дә бәйле: әйтик, сәясәтчеләр, түрәләр, артистлар һәм космонавтлар күп пенсия ала. 

Татарстанстат мәгълүматлары буенча, 2022 елның 1 июленә Татарстанда пенсиянең уртача күләме 18 079 сум тәшкил итә.