Йөгерергә яратучыларны ярыммарафонда катнашу өчен Түбән Камага чакыралар

30 июль көнне Түбән Камада өченче тапкыр TIMMERMAN ярыммарафоны уза. Марафонда 10нан артык төбәктән спортчылар катнаша, дип яза «Татар-информ» сайты.

Йөгерергә яратучыларга өч дистанция тәкъдим ителә: 3, 10 һәм 21,1 км. Ярыммарафон маршруты Түбән Каманың үзәк урамнары буенча узачак. 

Катнашучыларга уңайлы булсын өчен, алдан теркәлергә киңәш ителә, чөнки дистанцияләрдә урыннар саны чикләнгән. Онлайн теркәлү 24 июльгә кадәр дәвам итәчәк.

Түбән Кама TIMERMAN ярыммарафоны үз көчен сынап карау, нәтиҗәләрне яхшырту һәм фикердәшләр белән очрашу өчен искиткеч мөмкинлек булачак, диелә хәбәрдә.