Юрист «акыллы» электр счетчигы куймаган өчен штрафлар турында аңлатты

 «Яковлев һәм партнерлар» юридик төркеменең торак-коммуналь хуҗалык һәм милек белән идарә итү өлкәсендәге бәхәсләргә хокукый бәя бирү юнәлеше җитәкчесе Сергей Сергеев Яңа елда кем һәм ни өчен түләячәге турында сөйләде. РИА Новости шул хакта яза, дип хәбәр итә «Татар-информ».

Ул искәрткәнчә, мораторий гамәлдән чыккан очракта, закон буенча штрафлар тәэмин итүчеләргә һәм электр челтәре оешмаларына салыначак.

«Теориядә штраф чараларының кулланучыларга турыдан-туры йогынтысы каралмаган», — дип белдерә белгеч. Әмма компанияләр һәм электр челтәре оешмалары тарифларны арттырып, штрафны кулланучыларга күчеререп куярга мөмкин.

Шул ук вакытта мораторийны озайтулары да мөмкин. Карар индустриянең яңа исәп-хисап системасына, икътисадтагы вазгыятькә һәм инфляция трендларына күчүгә әзерлегенә бәйле булачак. Штраф салу механизмы да ахырга кадәр да эшләнмәгән, дип өстәде Сергеев.