Казанның 50 үзмәшгуле 100 мең сумлык грант алачак

Татарстан башкаласында үзмәшгульләр өчен грантлар бәйгесенең өченче этап җиңүчеләрен билгеләделәр. 50 эшкуар җиһаз яңартуга, чимал алуга һәм реклама яки укулар өчен түләргә акча алачак. Бу хакта «Татар-информ» агентлыгы хәбәр итә. 
Шәһәр башкарма комитетының икътисади үсеш комитеты рәисе Артур Вәлиәхмәтов фикеренчә, катнашучылар портфолиосы бик сыйфатлы итеп ясалган, һәр эштә иҗади якын килү сизелә. 
Үзмәшгульләргә ярдәм күрсәтү йөзеннән, Казан бюджетыннан 4,9 миллион сум бүлеп бирелгән. Беренче бәйгедә 79 үзмәшгуль казанлыга 7,5 миллион сумлык грант тапшырылган. 
Бүгенге көндә Казанда 29 меңнән артык үзмәшгуль теркәлгән.