Колосовка авылында яшәүче юлны асфальтлауны сорады

Колосовка авылындагы Үзәк урамдагы юлны асфальтлау турында гозер белән шушы торак пунктта яшәүче Александр Талапин мөрәҗәгать итте. Район башкарма комитеты аңлатуынча, Колосовкадагы 400 метр озынлыктагы юлга асфальт салу быелгы планга кертелгән. Шунысын да әйтергә кирәк, бу авыл ике елдан үзенең 300 еллыгын билгеләп үтәчәк.

Танайкадагы 8нче тыкрык юлын асфальтлауны сорап Сергей Ильин килгән. Аңа бу урындагы юлның 55 метр озынлыктагы өлешенә быел вак таш җәячәкләр дип җавап бирделәр.