Көзге чакырылыш вакытында Алабугадан 64 егет армиягә китәчәк

1 октябрьдән Россиядә хәрби хезмәткә көзге чакырылыш башланды.

Алабугадан армия сафларына яңа чакырылган егетләр 16 октябрьдә китте.

Барлыгы бу көздә 64 кешене хезмәткә җибәрү планлаштырыла. Аларның 14 проценты коры җир гаскәрләрендә хезмәт итәчәк, 23 проценты — хәрби-диңгез флотында, 18 проценты — Милли гвардия федераль хезмәтендә; РФ Хәрби көчләренең Генераль штабы Резервында — 16 процент, калган 29 проценты башка гаскәрләрдә булачак.

Алабуга хәрби комиссариатында ассызыклап үтелгәнчә, хезмәткә яңа чакырылган хәрбиләр «кайнар нокта»ларга җибәрелмәячәк.

Хәзерге вакытта ашыгыч хәрби хезмәтне 158 алабугалы үтә.