Кытай кинематографистлары Алабуга турында фильм төшерәчәк.

Алар И.Шишкин музей-йортында, В.Бехтерев исемендәге өяз медицинасы музеенда, шәһәр тарихы музеенда, декоратив-кулланма сәнгать музей-остаханәсендә, Н.Дурова музей-утарында һәм Алабуга шәһәрлегенең сәнгать салонында булдылар, видеосюжетлар төшерделәр.

Төшерү төркеме программасына Казан, Болгар, Зөя һәм Алабуга кебек туристик шәһәрләрдә булу кертелгән. Аларның Алабугага килүләре очраклы түгел: бу ел Рәсәйдә Кытай мәдәнияте елы итеп, ә 2013 ел Кытайда Рәсәй мәдәнияте елы дип игълан ителде. Ростуризм проекты һәм заказы буенча кытайлылар Рәсәйнең төрле шәһәрләре турында ун минутлык 100 фильм төшерергә ниятлиләр.