Мамадышта узачак Креатив чаналар фестивале җиңүчесенә 30 мең сум акча биреләчәк

Мамадыш районында «SUNNYФЕСТ» Бөтенроссия креатив чаналар фестиваленең чираттагысы 11 февральдә узачак. Фестивальдә катнашу өчен гаризалар кабул ителә башлады. Бу хакта «Нократ» сайтында хәбәр ителә.

Җиңүчеләр дүрт номинациядә билгеләнәчәк. Алардан тыш, Гран-при, тамашачылар симпатиясе һәм Мамадыш муниципаль районы башлыгы Анатолий Иванов призлары да тапшырылачак. 

Гран-при ияләре 30 мең сум премиягә ия булачаклар.

«SUNNYФЕСТ» феставиле 2023 елда җиденче тапкыр узачак.