Мөрәҗәгать итегез!

М.Горький урамы, 93 нче йорт адресы буенча урнашкан эчке эшләр бүлегенең контроль-үткәрү пунктында "Гражданнарның җәмәгать Советына мөрәҗәгатьләре" дигән почта тартмасы урнаштырылды, ди полиция инспекторы Любовь Бикмуллина. Шәһәр һәм район халкының полиция эшенә кагылышлы барлык мөрәҗәгатьләре һәм тәкъдимнәре җәмәгать Советы әгъзалары тарафыннан тикшереләчәк. Гражданнар яшәү урынын күрсәтеп язган очракта, кабул ителгән чаралар турында җавап биреләчәк.