Мәскәүдә ковидтан вакцина ясатуны мәҗбүри итеп куйганнар

Мәскәү мэры Сергей Собянин коронавируска бәйле яңа Указ имзалаган. Аның нигезендә, башкалада хезмәт күрсәтү өлкәсендә эшләүчеләр коронавируска каршы вакцинаны мәҗбүри ясатырга тиеш була.

Билгеле булганча, соңгы көннәрдә Россия башкаласында ковид йоктыручылар саны кискен арта башлады. Хәзергә 12 меңнән артык кеше хастаханәләрдә дәвалана, көн саен 70 ләп кеше әлеге инфекциядән вафат була, дип яза Шәһри Казан «Российская газета» сайтына сылтама белән. 
Билгеле булганча, Россия Президенты Владимир Путин ковидка каршы вакцинация мәҗбүри түгелен искәртте.