Нурлатта журналистларга һәйкәл куелачак

Нурлатта журналистлар хөрмәтенә стела кую планлаштырыла. «Нурлат-информ» басмасы җитәкчесе Резедә Гиняева шундый тәкъдим белән чыкты. Бу идеяны район башлыгы Алмаз Әхмәтшин хуплады. 
Хәзерге вакытта эскиз эшләнә. Шунысын әйтергә кирәк, җирле халык эскиз буенча үз тәкъдимнәрен кертә ала. Һәйкәл Сәлимҗанов урамындагы скверда урнаштырылачак. 
Стела район массакүләм матбугат чаралары юбилеена бүләк булыр дип көтелә.