Пенсия алга таба да артачак

2013-2015 елларга ил бюджетын төзү турындагы киңәшмәдә Хөкүмәт башлыгы Дмитрий Медведев әнә шулай дип белдерде.

Быелның апрель аенда Россия Пенсия фонды (РПФ) башлыгы Антон Дроздов хезмәт пенсиясенең уртача күләме - 9,5 мең, ә социаль пенсиянеке 6 мең сум чамасы булуын әйткән иде. Аның сүзләренә караганда, 2014 елга беренчесе, уртача алганда, 12 мең сумга җитәргә тиеш. Соңгы арада исә пенсия реформасын уздырып, РПФдагы дефицитны киметү юлларын эзлиләр. Чөнки аның күләме быел триллион сумга җитәргә мөмкин.