Путин 1 майдан 11 майга кадәр ял көннәре дип игълан итте

Россия Президенты Владимир Путин Роспотребнадзор башлыгы Анна Попованың май бәйрәмнәре эшләми торган көннәр дип игълан итү турындагы тәкъдимен хуплады. Бу хакта РИА Новости хәбәр итә.
Мондый мәгълүмат Россиядә коронавирус таралуга бәйле вәзгыять буенча киңәшмә барышында яңгырады.
«Әгәр сез моны кирәк дип санасагыз, яхшы, без шулай эшләрбез. Һәм бүген мин тиешле указга кул куячакмын», — дип билгеләп үтте дәүләт башлыгы.