Путин алты яшьтән алып балалары булган гаиләләргә 10 мең сум түләргә кушты

Россия Президенты Хөкүмәткә 6 яшьтән алып 18 яшькә кадәрге балалар тәрбияләнә торган гаиләләргә 10 мең сум күләмендә бер тапкыр бирелә торган түләүләрне гамәлгә ашырырга кушты. Түләүләр, ата-аналар балаларын мәктәпкә әзерли алсын өчен, август аенда бирелә башлаячак.

Мондый мәгълүмат Федераль Собраниегә юллама нәтиҗәләре буенча Кремль сайтында урнаштырылган.

Шул ук вакытта инвалид булган мәктәп укучылары өчен түләүнең аерым тәртибен тәэмин итәргә кирәк. Хөкүмәт эше турында 1 сентябрьгә кадәр хисап тотарга кирәк.