Республика Президенты татарстанлыларны өйләреннән чыкмаска чакырды

ТР Президенты Рөстәм Миңнеханов Instagramда #Өйдә калыгыз

(#Оставайтесь дома) хештэгы белән озатып, гаилә көнкүреше турында рәсемнәр урнаштырды.

Беренче рәсемдә - дүрт кешедән торган гаилә : әтисе белән улы шахмат уйный, яннарында балалар кәнәфиендә кечкенә кыз утыра, ә әниләре өстәл янына пирог — зур бәлеш алып килә. Икенче картинада ирле-хатынлы коймак пешерәләр, ә өченчесендә алар ноутбукта нидер карый һәм өчпочмак ашыйлар.