РФ Конституциясенә төзәтмәләр кертү буенча тавыш бирүнең беренче көннәрендә Татарстанда хокук бозулар ачыкланмаган

Илнең Төп законына төзәтмәләр кертү буенча тавыш бирүнең беренче көннәрендә Татарстанда хокук бозулар ачыкланмаган. Бу хакта ТР буенча «Чиста сайлаулар өчен» күзәтүчеләр корпусының төбәк координаторы Павел Соломонов белдергән.
«Чиста сайлаулар өчен» корпусы гомумроссия иҗтимагый хәрәкәте вәкиле Тимур Какохо белдергәнчә, күзәтүчеләр корпусының төбәк ситуацион үзәге һәр көнне барлык сайлау участокларыннан мөмкин булган хокук бозулар турында мәгълүмат җыя.
Бүген Россия төбәкләрендә РФ Конституциясенә төзәтмәләр буенча өченче тавыш бирү көне уза. 1 июльгә кадәр тавыш бирергә мөмкин булачак. Татарстанда моның өчен 65 территориаль һәм 2809 участок сайлау комиссиясе җәлеп ителгән. Моннан тыш, республикада ачык һавада 370 мәйданчык булдырылган.