Россиядә беренче класска кабул итү кампаниясе 1 апрельдә башланачак

Беренче сыйныфка кабул итү кампаниясенең рәсми старты бөтен ил буенча 1 апрельдән дә соңга калмыйча узачак. Бу хакта Россия Мәгариф министрлыгының матбугат хезмәте хәбәр итә.

Баланы мәктәпкә Дәүләт хезмәтләре порталында яздырырга мөмкин. Ләкин шулай ук гаризаны һәм кирәкле документларны мәктәпкә барып шәхсән тапшырырга яки аларны заказной хат белән җибәрергә мөмкин.

Беренче апрельдә мәктәпкә беркетелгән территориядә яшәүче балаларны 1 нче сыйныфка яздыру башлана. Баланы өй янындагы мәктәпкә яки аның абыйсы яки сеңлесе укыган мәктәпкә 30 июньгә кадәр яздырырга мөмкин. Теләсә кайсы башка мәктәпкә гаризалар бирү 6 июльдән башланачак һәм 5 сентябрьдән дә соңга калмыйча тәмамланачак.