Рөстәм Миңнеханов «Алабуга»да Aurus производствосын эшләтеп җибәрү турында фикер алышты

Татарстан Республикасы Президенты Рөстәм Миңнеханов «Аурус» җаваплылыгы чикләнгән җәмгыяте генераль директоры Адил Ширинов белән очрашты. Очрашуда предприятиенең «Алабуга» МИЗнда Aurus Senat серияле производствосын эшләтеп җибәрүгә әзерлеге турындагы мәсьәлә каралды.
Адил Ширинов хәзер эретеп ябыштыру, буяу һәм җыю өчен җиһазлар әзерләнүе турында сөйләде. Шулай ук белгечләр дә туплана. Бөтен процесс расланган план кысаларында бара. Аның сүзләренә караганда, Алабуга җыелмасының беренче Aurus Senat клиентларына 2021 елның маенда җибәрелергә әзер булачак.