Сайлаулар һәм бәйрәм көннәре алдыннан Алабугада терроризмга каршы комиссия утырышы узды

Россия Эчке эшләр министрлыгының Алабуга районы буенча бүлегенең җәмәгать тәртибен саклау буенча полиция башлыгы урынбасары Рәмис Сәхәбетдинов, террорчылык актларын кисәтү һәм җәмәгать куркынычсызлыгын көчәйтү буенча өстәмә чаралар турында сөйләгәндә, полиция хезмәткәрләреннән Бердәм тавыш бирү көненә әзерлек һәм аны үткәрүдә җәмәгать тәртибен саклауда һәм җәмәгать куркынычсызлыгын тәэмин итүдә катнашкан көчләрнең һәм чараларның гамәлләрен координацияләү буенча эшче төркем формалаштырылуын билгеләп үтте.
Алабуга районы территориясендә барлыгы 62 участок сайлау комиссиясе бар, шуларның 39ы — шәһәр территориясендә, 23е — авыл җирлекләрендә урнашкан. 20 августтан 21 августка кадәр комиссия биналарына комиссия тикшерүләре үткәрелгән. Видеокүзәтү системасына, яктыртуга, сак һәм хәвеф сигнализациясе төймәсе булу-булмауга аерым игътибар бирелгән.
Тавыш бирүгә әзерлек һәм аны уздыру чорында көн саен 62 Эчке эшләр бүлеге хезмәткәре җәмәгать тәртибен саклауны гамәлгә ашырачак, шулай ук тавыш бирү көннәрендә ирекле халык дружинасы көчләрен, шәхси сак предприятиеләре һәм муниципаль хезмәткәрләрне җәлеп итү планлаштырыла.