Шифаханәгә яңа тормыш

Бинага 14 ел, шуңа да монда төзекләндерү эшләрен күптән көттек, ди баш табиб Мулланур Ганиев. Моңа кадәр кичектергесез ярдәм кабул итү бүлегендә күрсәтелсә, хәзер биредә шокка каршы палата булдырылачак. Моннан кала, УЗИ аппараты, канда холестерин дәрәҗәсен исәпләүче аппарат, шулай ук операция блогы һәм клиник лаборатория өчен җиһаз кайтырга тиеш.

Хәзер яңгырлардан соң палата стеналарында таплар калмаячак. Түбәне яңа материал белән япканнар, һәр кабинетта пластик тәрәзәләр. Капитал ремонт кысаларында коляскадагы инвалидлар очен дә унайлыклар булачак. Алар очен бинага керер очен пандус төзиячәкләр. Суз унаеннан, Морт шифаханәсе 35 торак пунктка хезмәт күрсәтә.