Синоптиклар иртәгә Татарстанда яшенле яңгыр, көчле җил вәгъдә итә

Татарстан Республикасы гидрометеоүзәгеннән кисәтелгәнчә, иртәгә — 26 апрельдә көндез һәм кичен Татарстанда секундына 15-20 метр тизлектә көньяк-көнбатыштан көчле җил һәм яшен көтелә.

Синоптиклар фаразына караганда, иртәгә алмашынучан болытлы һава, урыны белән аз гына яңгыр, көндез кыска вакытлы яшенле яңгыр. Төнлә һава температурасы плюс 5-10 градус булачак, көндез исә 18-23 градуска кадәр җылытачак.