Синоптиклар Татарстанда яңгыр, кайбер районнарда яшенле яңгыр фаразлый

ТР Гидрометеорология һәм әйләнә-тирә мохитне күзәтү идарәсе фаразыннан күренгәнчә, көндез бераз яңгыр ява, ә республиканың кайбер районнарында яшенле яңгыр булырга мөмкин. Шулай ук бу көнне синоптиклар төньяк-көнбатыштан көчле җил фаразлый, аның тизлеге урыны белән секундына 15-18 метрга кадәр җитәчәк.

Температура көндезге сәгатьләрдә +16..+21 градус тәшкил итә.

Якынча мәгълүматлардан күренгәнчә, Татарстанда шимбәгә, 17 августка кадәр яңгыр явачак. Боларның барысы да — антициклон нәтиҗәсе, хәзер республика шуның йогынтысында, дип аңлаттылар ТР Гидрометеорология һәм әйләнә-тирә мохитне күзәтү идарәсендә. Өстәвенә, температура якын көннәрдә сизелерлек үзгәрми, көндез +15..+21 градус тәшкил итә.

Билгеләп үтелгәнчә, хәзерге вакытта уртача тәүлеклек температура нормадан 3-4 градуска түбәнрәк.