Соңгы тәүлектә 33 татарстанлы коронавирус йоктырган

Казанда — 20, Чаллыда — 7, Лаешта — 2, Биектау, Яшел Үзән, Түбән Кама, Чистай районнарында берешәр кеше әлеге инфекцияне йоктырган.
27 майга алынган мәгълүматлар буенча, Татарстанда барлыгы COVID-19 белән авыруның 21 360 очрагы теркәлгән.
Пандемия башланганнан бирле коронавирус инфекциясе йоктырган 18 303 кеше савыккан, узган тәүлектә — 39 кеше.
Барлыгы 342 544 кешегә прививка ясалган. Шулардан 242 658 кеше прививканың икенче дозасын ясаткан.