Соңгы тәүлектә тагын 50 татарстанлы COVID-19 йоктырган

Яңа вирус йоктырган 24 кеше хастаханәгә озатылган, 26 кеше өйдә дәвалана.
Казанда — 27, Чаллыда — 7, Тукай районында — 4, Лениногорск районында — 3, Азнакай, Актаныш, Буа, Биектау, Алабуга, Яшел Үзән, Лаеш, Ютазы районнарында берешәр кеше йоктырган.
27 августка алынган мәгълүматлар буенча, Татарстанда барлыгы COVID-19 белән авыруның 25 267 очрагы теркәлгән.
Пандемия башланганнан бирле коронавирус инфекциясе йоктырган 22 209 кеше савыккан. Узган тәүлектә — 42 кеше.
Барлыгы 983 398 кешегә прививка ясалган. Шулардан 826 412 кеше прививканың икенче дозасын ясаткан. 
Фото: pixabay.com